матэрыялы праекта

🌟 Калі вы думаеце прыцягнуць да вашага праекта новыя аўдыторыі, рэкамендуем да ўвагі гэту кнігу. У ёй вы знойдзеце дзясяткі прыкладаў, даследаванняў і практычных парадаў пра тое, як ваша арганізацыя можа быць больш каштоўнай для грамадства праз сваю адпаведнасць патрэбам розных сацыяльных груп. Як пашырыць сваю місію і стаць блізкім да кожнага.
‍
👩🎨Ніна Сайман – "музейная прадвесніца" якая мае ўнікальны падыход да дызайну, арыентаванага на супольнасць. Стваральніца прасторы і генеральная дырэктарка OF/BY/FOR ALL – руху за стварэнне інклюзіўных пляцовак. Былая дырэктарка Музея мастацтва і гісторыі Санта-Круз і цяпер запатрабаваная кансультантка для выстаўных прастор па ўсім свеце.

Кнігу можна цалкам і задарма прачытаць анлайн (на ангельскай мове). А ключавыя моманты аўтарка расказвае ў сваім выступе на TED.

“Каб дамагчыся поспеху, нам трэба пашырыць сваю вартасць – быць сваімі не толькі для тых, хто ўжо з’яўляецца нашай аўдыторыяй. Мы павінны мець большае значэнне для большага ліку людзей, калі хочам, каб наша праца ззяла.”
‍
Аўтарка апісвае свой досвед у працы з інтэрактыўнымі выставамі і вядзенні сацыяльных сетак творчых праектаў. Яна паказвае паспяховыя прыклады супрацы з супольнасцямі і разважае, як паспяхова праводзіць культурныя мерапрыемствы ў незвычайных месцах і фарматах, каб прыцягнуць новую аўдыторыю, або адчыніць “новыя дзверы”.
‍
“Калі вы гледзіце ў прастору сэнсаў і дзівіцеся, чаму не можаце туды ўвайсці, ці гледзіце з гэтай прасторы на вуліцу і дзівіцеся, чаму не прыходзяць да вас, то гэта тая кніга, якую вы павінны прачытаць зараз. І магчыма двойчы.”  Джон Москоне, Цэнтр мастацтваў Йерба Буэна.

Артыкул складаецца з адабраных значных і ўражальных кніг 23 года, спiс ўключае як мастацкія творы, так і нон-фікшн. Напрыклад, раман Джэймса Макбрайда «Прадуктовая крама "Неба і Зямля”» расказвае пра таямніцы маленькага мястэчка і людзей, якія іх захоўваюць. Ганна Напалітана ў кнізе «Добры дзень, красуня» пераасэнсоўвае класічны сюжэт «Маленькіх жанчын», пераносячы яго ў сучасны Чыкага і дадаючы новыя інтрыгі​.
‍
Сярод нон-фікшн вылучаецца праца Мэццю Дэсманда «Бедната, па амерыканску», дзе аўтар даследуе прычыны беднаты ў ЗША і прапануе нечаканыя высновы пра тое, чаму яна захоўваецца​​.
‍
Гэтыя і шмат якія іншыя кнігі ў спісе ўяўляюць сабою яркія прыклады літаратурнай творчасці і глыбокіх даследчых прац, якія не пакінулі заходніх чытачоў абыякавымі.

👨💼 Пра аўтара: Джэфры Тэйлар – выбітны эксперт у вобласці галерэйнага бізнесу і выкладнік у Еўрапейскім гуманітарным універсітэце. Яго працы даследуюць дынаміку арт-рынку, а яго падручнік, пра які мы цяпер і раскажам,  стаў важным рэсурсам для тых, хто цікавіцца мастацтвам і яго камерцыйнымі аспектамі.
‍
📖 Пра кнігу: Арыгінальная назва "The Art Business: Art World, Art Market". У кнізе разглядаюцца ключавыя аспекты функцыявання арт-рынку, ад механізмаў аўкцыёнаў да стратэгій пасоўвання мастакоў і працы галерэй. 

💡 Чаму варта прачытаць: Аўтар рэкамендуе азнаёміцца са зместам кнігі перад лекцыяй 7 лютага. Больш дэталёвае апісанне кнігі, яе поўны змест, уводзіны і нават уся першая частка даступныя анлайн. Кніга з'яўляецца неадымным рэсурсам для тых, хто імкнецца глыбей зразумець дынаміку арт-рынку і яго камерцыйныя аспекты. Яна ўяўляе сабою ўсебаковы аналіз сучаснага мастацтвазнаўчага свету, разглядаючы ключавыя аспекты функцыявання ад тэарэтычных асноў да практычных стратэгій. Рэкамендуецца як крыніца каштоўнай інфармацыі для мастакоў, арт-менеджараў, фундатараў і ўсіх, хто цікавіцца ўплывам мастацтва на сучаснае грамадства.
‍
👤Што кажуць крытыкі: Крысціян Хюмер з Аўстрыйскай галерэі Бельведэр адклікаецца пра кнігу так:«Магістарскія праграмы па «Бізнесе ў мастацтве» робяцца ўсе важнейшымі. Тым не менш, наўрад ці існуе прыдатны падручнік для раздатка студэнтам. Кніга доктара Тэйлара бліскуча запаўняе прабел, уяўляючы шырокі спектр актуальных тым, пачынальна з практычнай, тэарэтычнай і сканчаючы і гістарычная перспектыва».
 
🔖 Цікавыя цытаты з кнігі:
"Мастацтва і бізнес непарыўна злучаны – разам яны фармуюць сучасны арт-рынак, што з'яўляецца не толькі крыніцай прыбытку, але і люстэркам культурных тэндэнцый."

"Галерэі – гэта не проста гандлёвыя пляцоўкі, яны маюць ключавую ролю ў фармаванні густаў і стандартаў у свеце мастацтва."

"Мастацтва – гэта не толькі аб'ект для разгляду, але і аб'ект інвестыцый, які можа прыносіць значны прыбытак у будучыні."